მობინგიdrukuj
რა არის მობინგი?
მობინგი არის მოვლენა, რომელსაც სამსახურში შეიძლება ჰქონდეს ადგილი. ეს არის თანამშრომლის გრძელვადიანი და განმეორებითი, არასათანადო მოპყრობა, დაშინება, შეურაცხყოფა, დაცინვა.
მობინგის ტიპური მაგალითებია შანტაჟი სამსახურიდან გათავისუფლებით, გაუმართლებელი კრიტიკა, საჯარო დამცირება, სხვა თანამშრომლებთან შედარებით ბევრი პასუხისმგებლობის დაკისრება ან შესასრულებელი დავალებების არგადაცემა, კოლექტივიდან თანამშრომლის იზოლირება, გუნდიდან გარიყვა.
მჩაგვრელი- მობერი - შეიძლება იყოს დამსაქმებელიც და თანამშრომელიც.
ყურადღება: პოლონეთში მობინგი აკრძალულია და დამსაქმებელი ვალდებულია აღკვეთოს იგი.
როგორ მოვიქცეთ მობინგის დროს
მობინგის ხშირი მიზეზი ის არის, რომ მობერები თავს დაუსჯელად გრძნობენ, რადგან მათი მსხვერპლი ჩუმადაა
როგორ უნდა მოიქცნენ ადამიანები, რომლებიც სამსახურში მობინგის მსხვერპლები არიან:
- ისაუბრონ ამაზე რაც შეიძლება მეტ ადამიანთან
- ესაუბრონ მათ სიტუაციაზე სხვა თანამშრომლებს, პროფკავშირებს, ოჯახს, ადვოკატს;
- ჩაიწერონ ყველა ინციდენტის ადგილი და დრო;
- წერილობით დაუკავშირდნენ მჩაგვრელს (მაგ. ელექტრონული ფოსტით ან წერილების გაგზავნით);
- თუ მობერთან პირისპირ შეხვედრის აუცილებლობაა, ეს შეხვედრა უნდა მოხდეს მოწმის გარემოცვაში;
- შეატყობინონ პროფკავშირებს ან ასოციაციებს, რომლებიც ეხმარებიან მობინგის მსხვერპლებს (მათი მისამართები და ტელეფონის ნომრები შეგიძლიათ ნახოთ ჩანართში "სად უნდა ვეძებო დახმარება").
